السلام عليكم جميعا


انا سيارتي التيما كامل المواصفات 6 سلندر موديل 2005 يعني قوة الاحصنة 257 حصان سعة المكينة 3.5 بوقتها يعني سنة 2005 كان الموتر بالنسبة لفئته شيييييييييييييييييييخ

بعدها بسنتين طلعت الاوريون وبدى الصراع البرشلوني الريال مدريدي

وما يخفى عليكم ان الاوريون نفس حجم مكينة الالتيما لكن بفارق الاحصنة 268 حصان يعني الفرق بينهم 11 حصان يرفس حصان ( بالنسبة لالتيما 2005 الى موديل 2007) لان الـ 2008 صارت 285 حصان .......... خلونا من 2008

نرجع للموضوع:
انا اشوف في بعض اللقطات مرات الالتيما تطلع على الاوريون طبعا شكثر قالوا ان هالالتيما ملغومه ومرات كثيره اشوف الاوريون تطلع وطبعا اكثر شي شفت الاوريون طلعت بالنسبة لالتيما موديل 2005 وهذا شي طبيعي اعتقد بحكم فارق الاحصنة وقوة جير الاوريون
لكن المشكلة انا انا ركبت قبل امس سيستم شوته كامل نوع K&n + مروحة اعتقد في فرق بالعزم والصوت تغير صار مرعب على السرعات العالية ووراها بيوم قلت اجرب ويا اوريون واحد من الربع طبعا ما يدري اني مركب الشوته وفعلا صارت القومة مساير 40 والمسافة 600 متر وطلع عني بفارق سيارتين ومرة ثانية من الصفر 800 متر الفارق ايضا سيارتين مع انه الشوته والمروحة تزيد من الاحصنه لكن مادري جم بالضبط والحين راعي الاوريون زعلان ويقول شلون التيما 2005 بس قدرت اطوفها سيارتين لازم اكثر من جذيه ويقولي اكيد انت مركب سيستم شوته ....... بصراحه لحد الان انا ما اعترفت

اللي احب اتناقش فيه ويا اخوانا بالمنتدى وبالذات اصحاب التيما 2008 فئة السته سلندر وابي اعرف انطباعاتهم عن هالموديل وعن قوة المحرك بالنسبة ادائه بالنسبة لمحركة الاوريون

وايضا رأيهم عن اداء جير الالتيما خاصية CVT وهل ترى ان اداءه افضل ؟

شكرا لقراءة الموضوع ومع السلامة