يا شباب هنا تعالج مشاكل المكسيمات افراد الشركة نيسان المشاركة للجميع

مكس X مكس · #1 (**permalink**) 06-21-2008, 05:39 PM

بسم الله الرحمن الرحيم

اخواني من لدية مشكلة في المكسيما تبعة يكتبلي المشكة وانا ارد

عليها الساعة 12 صباحا يوميا بكل المشاكل اللي صايرة له ولا تبخلو

علينا بالمشاكل للمكسيمات فقط لاني خبير فيها

والمشاركة للجميع

من اخوكم : مكس x مكس مستشار مشاكل المكسيما

edubai · #2 (**permalink**) 07-08-2008, 01:39 PM

انا عندي مكسيما موديل 2000 صارت لي مشكلة غريبة

كنت واقف عادي عند البيت وكانت السيارة شغالة والقير محطوط في P

بدون سبب نزل ال Rpm تحت ال 500 دورة وتمت المكينة تهز واخر شي انطفت بدوووون سبب

وما رجعت المشكلة مرة ثانية مع اني كنت رايح فيها مشاوير والمكينة ساخنة و البترول كان نص

فا مش عارف شو السبب ؟

التوقيع :

موقع نيسان سبورت

alzaabi56 · #3 (**permalink**) 08-05-2008, 12:33 AM

السلام عليكم

يا اخوي انا عندي ماكسيما 2002 اول مشكله ؟؟؟؟

1 - القير يعلق ما يبدل بس Rpm يرتفع وسياره ما تمشي فاضظر اني اوقف وابند ها عسب

امشي ..وسرت وكاله سويت فول جيت ما طلع شي في قير !!!!

والقير يوم يبدل احس انه ثقيل وااايد ):

2- لما سياره تشتغل و واقفه .. r pm يرتفع وينزل قصدي ما يتم ثابت (طبيعي ) نفس قبل

فاتمنى مكس x مكس تحل للي مشكله؟؟

وشكراااا

التعديل الأخير تم بواسطة alzaabi56 ; 08-05-2008 الساعة 02:52 PM.

edubai · #4 (**permalink**) 08-05-2008, 06:32 AM

السلام عليكم ورحمة الله وبركاتة

بخصوص القير عندك ما يبدل فأنا انصحك بشكل مبدائي انك تشيك زيت القير اذا ناقص

الخطوة الثانية انك تودي السيارة وتبدل زيت القير و الفلتر القير فورا

اذا ما انحلت المشكلة والسيارة تعشق القير الاول والثاني وترجع ريوس لاكن مافيها قير 3 وقير 4

في هذي الحالة اعتقد ان كمبيوتر القير خربان او سنسر في القير ولازم يشيكون على الضفيرة ووايرات القير كاملة !

يوم تشغل السيارة يضوي عندك ليت مكتوب علية A/t ..؟؟؟؟

اما في حالة انك كنت قاعد تتدعس بالسيارة في عز الشمس الظهر وتحرك القير من 1 الى 2 ال D وبعدين ضرب القير عندك فأانا انصحك تاخذلك قير مستعمل

انا استغرب وكاله ما تعرف القير شو فية ؟؟؟ عيل منو يعرف !

تحياتي

التوقيع :

موقع نيسان سبورت

alzaabi56 · #5 (**permalink**) 08-05-2008, 03:04 PM

مشكووررر يااا اخوي eDubai على نصائح انشالله بنبدل زيت القير وفلتر .. نشوف

هيه صح يوم ابغي اشغل سياره يطلع لي At check اتم شويه وتختفي !!!!

والله حد من شباب قالي كهربه قير (سنسر) ..

بصدق سويت لها فحصين مره في الوكاله ومره كراااج معروف ماطلع شي؟؟

edubai · #6 (**permalink**) 08-05-2008, 06:33 PM

اقتباس:

المشاركة الأصلية كتبت بواسطة alzaabi56

مشكووررر يااا اخوي eDubai على نصائح انشالله بنبدل زيت القير وفلتر .. نشوف

هيه صح يوم ابغي اشغل سياره يطلع لي At check اتم شويه وتختفي !!!!

والله حد من شباب قالي كهربه قير (سنسر) ..

بصدق سويت لها فحصين مره في الوكاله ومره كراااج معروف ماطلع شي؟؟

السلام عليكم

اخوي alzaabi56 اليت A/T يطلع يوم تحط المفتاح وتحاول تشغل السيارة ... بعد ما تشغلها يختفي وهذا طبيعي .... اما لو شغال A/T على طول والمكينة شغالة يعني القير فية مشكلة ويكشفها الفحص.

اما في حالتك انتة اليت هذا ما ولع يعني مافي مشكلة يقدر الفاحص يكشف عليها

وعلى فكرة زيت القير لازم يتبدل كل 40 الف او 60 الف كيلو على حسب استخدامك خاصة ان حرارة الصيف تغير من جودة الزيت

السيارة كم ماشية الحين (عداد الكيلو) ومتى اخر مرة بدلت الزيت ؟

معقولة وديتها الوكالة و الكراج ومحد فحص زيت القير .؟؟؟

التوقيع :

موقع نيسان سبورت

alzaabi56 · #7 (**permalink**) 08-05-2008, 11:38 PM

السلام عليكم

اشحالك اخوي عساك بخير؟؟؟

سيرت اليوم عصر اغير زيت القير وفلتر وكازكيت . .

انا ادري يوم تحط مفتاح تظهر AT check وعقب تختفي .. بس انا احيانا ما تختفي اتم تولع مده تقريبا
5-7
ثواني وعقب تختفي ... قبل ما كانت جذي . .

بصراحه سيارتي كارفنها كارف ماشيه 300 الف
سيرت فيها السعوديه , عمان , وخط ابوظبى - دبي
اسبوعيا
بس انا ابدل زيت قير كل 40 - 55الف تقربيا مال وكاله

انشالله باجر بسوي فحص القير ؟؟

بصدق ناس واايد عندها نفس مشكله في ماكسيما

المغامسي كول · #8 (**permalink**) 10-15-2008, 11:03 PM

السلام عليكم ياشباب

انا عندي مشكله غويصه ماادري وش هي فأرجوكم رجاء خاص ان تحلولي هذه المشكله

ابقى ادخل في صلب الموضوع

انا عندي مكسيما موديل 98 تومتيك تطفي عليه فجأه والله العظيم فحصت عليه بالكمبيوتر ماطلع شي

حتى الميكانيك والكهربيه احتار يقول والله ماندري وش فيه شاف الكتاوت قال سليمه والظفيره نظيفه

مع العمل ان ماتشتغل الا لم احط الكير على n وارجعوا على p

احترت ياناس ماادري وش اسوي فيها فارجوا منكم الرد انا في انتظار ردكم الكريم

edubai · #9 (**permalink**) 10-15-2008, 11:46 PM

السلام عليكم ورحمه الله وبركاته

اخوي اذا السياره تتطفي للحالها في كثير اسباب :

1 - افحص الانتيك كامل يمكن يسرب هواء ... افحص الكاسكيت للانتيك كامل .. اذا فيه شي طايح او مكسور في الانتيك يأثر على الاشتغال .
2 - افحص حساس الهواء (ساعه المحرك) ...ونظف فلتر الهواء او استبدله
3 - استبدل جميع البواجي !
4 - بدل فلتر البترول
5- افحص قاسكيت المنافول
6 - افحص جميع الكويلات

نصيحه لا تودي سيارتك عده ورش تصليح ...لان كل واحد فيهم راح يعطيك تخمين فقط ويمكن يبدل قطع صالحه اصلا ...نصيحتي لك تودي السياره الوكاله وتتطلب فحص شامل بدون تصليح لكشف السبب ... بهذي الطريقه راح تعرف سبب انطفاء المحرك .

ان شاء الله تنحل مشكلتك

تحياتي

التوقيع :

موقع نيسان سبورت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(أظهر الكل) الأعضاء الذين قاموا بمشاهدة هذا الموضوع : 12
Ahmed944, ميمو46, ALTIMA, alzaabi56, Anaconda, مكس X مكس, المغامسي كول, التيما حتى النخاع, edubai, رياض, STJNIN, vtc61

يا شباب هنا تعالج مشاكل المكسيمات افراد الشركة نيسان المشاركة للجميع

سيارات نيسان و انفنتي الصالون